Hallengrümpeli 2013

Liebi BCO Alemannia Familie

Am Wucheänd vom 7. und 8. Dezämber 2013 findet unsers traditionelle Halleturnier in dr Sporthalle vom Rankhof statt.E Highlight isch in de vergangene Joore au immer s Grümpeli gsi, wo jewils am Samschtig Obe stattgfunde hett. Damit mir au in däm Joor wieder e glungene Aalas könne duurefiere, bruche mir unbedingt no e paar Teams!

Wichtigi Infos:

S Grümpeli findet am Samschtig, 7.Dezämber statt und startet ca. am 6i und goht bis öbbe am 9i Zoobe!
Di Team sött ca. 6 Maa oder au Frau stargg syy!
S Startgäld vo 60.- pro Team isch am Obe sälber z’zahle!
Gspielt wird in dr Halle, es verstoot sich vo sälber, ass Halleschueh agseit sin!
Dr Spass an dr Sach stoht sicher im Vordergrund!!!!!!!

Also: Egal ob Veteraane, Senioore, Aktivi, Junioore oder sogar gmischt, mäld di unbedingt a und sig au du und di Team e Teil vomene wiitere unvergässliche Vereinsaaloss!

Hesch Inträsse, bruuchsch no me Infos oder wotsch di grad aamälde, denn machsch das am beschte per mail an dany.haas@bluewin.ch oder Delifon an 079 399 69 92.

D JUKO vo BCO Alemannia Basel