s‘BCO Alemannia Wiehnachtsfescht 2012

findet am
Samschtig, 15. Dezämber 2012, in dr Premium Lounge vom Joggeli
statt.

Yylaadigskarte abelaade

Mir träffe ys uff die 17:30 zem Apéro in dr Hattrick Sports Bar. Am Säggsi
disloziere mr denn in d Premium Lounge zum Feschtmool. Erschyynet also pingtlig, damit dyyr au dr
Apéro in vollem Umfang kénnet usskoschte. Fyyroobe mache mr am 1:00. Yber allfälligi Mèègligkaite
fyr e «Absaggerli» drno, informiere mr am Aloss-Oobe.

Fyyr Unterhaltig sorge in dämm Joor s Duo vo dr „Voralpen Power“. Kemmet also, es lohnt
sich au in dämm Joor.

Bitte erschyynet feschtlig aaglegt und setzed dodrmit däre Gala d Krone uff.

Dr Obulus isch 75 Frangge, für A- und B-Juniore 35 Frangge pro Person (exkl. Gedrängg).

Yyzahle, was glichbedütend mit dr Aamäldig isch, dien dyyr bitte uff folgends Konto bis
spéétschtens am 30. Novämber 2012
(bitte halted euch dra, das macht d Arbet vom OK bedütend
eifacher!):

BCO Alemannia
Weihnachtsfest
4053 Basel

40-8475-4

IBAN: CH13 0900 0000 4000 8475 4

Falls öper Yyzahligsschien sotti bruche, kamme die ab em 21. Oktober uff em Hörnli bezieh.
Bispiil fyyr e Yyzahligsschien

Reservatione an 10er-Disch («Disch-Scheff» inkl. de jewyylige Nämme
vo de Tischgspöönli) bitte an weihnachtsfest@neu.bcoalemannia.ch oder delefonisch
an 076 387 31 90 (Björn Thoma).

Mir fraie ys uff zahlryychs Erschyyne und e unvergässlige Oobe.

Härzliggi Griess
s OK-Wiehnachtsfescht

Kommentar hinterlassen