Weihnachtsfest 2013

Liebi BCO Alemannia Familie

s‘BCO Alemannia Wiehnachtsfescht

findet am Samschtig, 14. Dezämber 2013, im Volkshuus z Basel statt.

Mir träffe ys uff die 17:30 im Foyer vom groosse Feschtsaal zem Apéro. Am 6i
disloziere mr denn in groosse Feschtsaal zem Feschtmool. Erschyynet also pingtlig, damit dyyr au dr Apéro in vollem Umfang kénnet usskoschte. Fyyroobe mache mr am 1. Yber allfälligi Mèègligkaite fyr e «Absaggerli» drno, informiere mr am Aloss-Oobe.

Fyyr Unterhaltig sorge in dämm Joor wieder einigi spannendi Uffdritt uss de Reihe vo unserne Stars. Begleitet wird dr Oobe au in dämm Joor vom Duo vo dr „Voralpen Power“.

Bitte erschyynet feschtlig aaglegt und setzed dodrmit däre Gala d Krone uff.

Dr Obulus isch 75 Frangge, für A- und B-Juniore 35 Frangge pro Person (exkl. Gedrängg).

Yyzahle, was glichbedütend mit dr Aamäldig isch, dien dyyr bitte uff folgends Konto bis spéétschtens am 20. Novämber 2013 (bitte halted euch dra, das macht d Arbet vom OK bedütend eifacher!):

BCO Alemannia
Weihanchtsfest
4053 Basel

40-8475-4

IBAN: CH13 0900 0000 4000 8475 4

Zahligsgrund: „Euri Nämme“

Falls öper Yyzahligsschien sotti bruche, kamme die ab em 20. Septämber uff em Hörnli bezieh. E Bispiil fyyr e Yyzahligsschien finde dyyr do:

Einzahlungsschein Vorlage

Reservatione an 10er-Disch («Disch-Scheff» inkl. de jewyylige Nämme
vo de Tischgspöönli) bitte an weihnachtsfest@neu.bcoalemannia.ch oder delefonisch
an 076 387 31 90 (Björn Thoma).

Mir fraie ys uff zahlryychs Erschyyne und e unvergässlige Oobe.

Härzliggi Griess
s OK-Wiehnachtsfescht