100 Joor BCO Alemannia

Do goht’s zur Voraamäldig 📝

Liebi BCO Alemannia-Familie

100 Joor isch für e Verain wie miir das sinn e seer e grossi und au stolzzi Zaal!

BCO Alemannia isch jo wie ne «Dorfverain», aifach im schööne Glaibasel und isch bekannt für e familiääri und fründschaftligi Atmosfääre. Entstande isch unsere Verain jo im Joor 2002 durch d Fusioon vo BCO Basel (Gründigsjoor 1919) und em FC Alemannia Basel (Gründigsjoor 1921). Iich sälber ha bi dääre Fusioon als erschte Preesi däm Verain dörfe vorstoo. Riisig isch mi Stolzz denn bim Ruggdritt gsii, wo d Generaalversammlig mii denn au zum erschte Eerepreesi vo unserem wirgglig feine Verain ernennt het. Dr Krais schliesst sich jetzt für mii mit dr Organsazioon vo unserem 100-Joor-Fescht und dört wänn miirs denn au so richtig krache loo. Zämme imme Super-Tiim organisiere miir für am 10. Auguscht 2019 e hoffendlig gueti und au würdigi Sach – miir würde n is riiiiisig fröie, wenn möögliggscht viil vo öich, zämme mit uns dää aimoolig Aaloss würde fiire!!!

Mit grosser Vorfröid griesst
dr Marco Bachmann
dr Ookaa-Preesi vom 100-Joor-BCOA-Fescht

S Ookaa

Marco Bachmann

Marco Bachmann

OK-Preesi / Stv. Programm/Unterhaltig
Bi BCOA siit
1980
Liebi BCO Alemannia-Familie

100 Joor isch für e Verain wie miir das sinn e seer e grossi und au stolzzi Zaal!

BCO Alemannia isch jo wie ne «Dorfverain», aifach im schööne Glaibasel und isch bekannt für e familiääri und fründschaftligi Atmosfääre. Entstande isch unsere Verain jo im Joor 2002 durch d Fusioon vo BCO Basel (Gründigsjoor 1919) und em FC Alemannia Basel (Gründigsjoor 1921). Iich sälber ha bi dääre Fusioon als erschte Preesi däm Verain dörfe vorstoo. Riisig isch mi Stolzz denn bim Ruggdritt gsii, wo d Generaalversammlig mii denn au zum erschte Eerepreesi vo unserem wirgglig feine Verain ernennt het. Dr Krais schliesst sich jetzt für mii mit dr Organsazioon vo unserem 100-Joor-Fescht und dört wänn miirs denn au so richtig krache loo. Zämme imme Super-Tiim organisiere miir für am 10. Auguscht 2019 e hoffendlig gueti und au würdigi Sach – miir würde n is riiiiisig fröie, wenn möögliggscht viil vo öich, zämme mit uns dää aimoolig Aaloss würde fiire!!!

Mit grosser Vorfröid griesst
dr Marco Bachmann
dr Ookaa-Preesi vom 100-Joor-BCOA-Fescht

Georges «Scholle» Marchand

Georges «Scholle» Marchand

Finanze / Stv. OK-Preesidänt
Bi BCOA siit
1987
Ich bi stolz uff unsere Verein, dass är d’Fusion vom 2002 guet und erfolgriich bewältigt het. Näbscht em Fuessball verbindet mich mit BCOA vieli tolli Kollege, Fründe und schöni Erinnerige. Es würd mi für d’Zuekunft vom BCOA sehr freue, wenn „mir Alte“ als Vorbild für dr eehreamtlichi Yysatz stooh chönnte und dodrbii vieli Jungi drzue annimiere s’gliiche z’mache und so am BCOA e sicheri Zuekunft z’gää. Dr Verein liegt mir sehr am Härze und us däm Grund setz ich mich u. a. au im Ookaa 100 Joor BCOA ii!
Federico «Fede» Barriga

Federico «Fede» Barriga

Programm, Unterhaltung / Stv. Finanzen
Bi BCOA siit
1989
BCO Alemannia bedütet für mi Familie und ich freu mi sehr e Bitrag zu däm tolle Fescht dörfe z’leischte!
Julia van Wijnkoop

Julia van Wijnkoop

Kommunikation / Stv. Tätschmeischter
Bi BCOA siit
als Fan syt em Joor 2000
100 jöörig, aber modärn und lebändig, es freut mi sehr, Teil vom Ookaa fürs grosse Jubliäumsfescht dörfe z si!
René «Mull» Müller

René «Mull» Müller

Verpfläägig - Wirtschaft/Catering
Bi BCOA siit
1980
100 joor BCOA; aifach numme stolz do druff!
Daniel «Däny» Haas

Daniel «Däny» Haas

Junioren/Kinder
Bi BCOA siit
1995
E starggs Zeiche vo Tradition. Mir stöhn sit Joore für Wärt, wo hüt leider viel z’sälte gläbt wärde. Uf e erfolgrichi und langi Zuekunft!
Mirko «Coco» Stocker

Mirko «Coco» Stocker

Bau / Stv. Kommunikation
Bi BCOA siit
2003
Ich freu mi usserordentlich e Teil vo däm grossartige Ereignis dörfe z si und mi Bitrag drzue kenne z leiste. E Mitgliid von Ookaa derfe z si bedütet mir enorm viiel.

Uff wyteri tolli und erfolgrichi Joore bi BCOA!

Marco «Zwirbel» Zerbini

Marco «Zwirbel» Zerbini

BCOA Preesi / Stv. Junioren/Kinder
Bi BCOA siit
1998
1 Verein – 2 Gschichte – 1 Familie
Christian «Mayli» Mayländer

Christian «Mayli» Mayländer

Tätschmeister / Stv. Bau
Bi BCOA siit
1989
Ai grosses Fescht für e grossi Familie.